آرجنتاین فوتبال ملی تیرمه جماعه‌سی، کلمبیا فوتبال ملی تیرمه جماعه‌سی برابریده، غلبه قازانیب، امریکا ملتلر جامی نینگ نوبتده‌گی قهرمانی‌گه اَیلندی.
دیمک، مخلص‌لرنی ترتیب‌سیزلیکلر باعث کمیده ۴۵ دقیقه کیچیکتیریلیب باشلنگن، آرجنتاین و کلمبیا فوتبال ملی تیرمه جماعه‌لری نینگ بیللشوولری ۱- ۰ حسابی آرجنتاین نفع‌گه یکونلندی.
بو اۉیین قانونی وقتیده هیچ بیر جماعه گول اوریش‌گه قادر بۉلمه‌گنی باعث اۉیین ۳۰ دقیقه‌لیک اضافه وقتلرگه کېتدی و نهایت آرجنتاین فوتبال تیرمه جماعه‌سی، بو اۉیین ۱۱۲ – دقیقه‌سیده مارتینیز آرقه‌لی اوریلگن گول بیلن کوپا امریکا نینگ نوبتده‌گی قهرمانی بۉلدی.
ایتیش کېره‌ک که بوندن بیر نیچه ساعت ایلگری، اسپانیا فوتبال ملی تیرمه جماعه‌سی هم ۲-۱ حسابی انگلستان فوتبال ملی تیرمه جماعه‌سی برابریده غلبه قازانیب یورو ۲۰۲۴ قهرمانی بۉلگن اېدی.
