بوگون محرم آیی نینگ ۱۰ – سی یاده عاشورا کونی دیر که دنیا بۉیلب مسلمان‌لر اوچون خاص کون‌لردن بیری دیر.
بوکون‌نی شیعه مذهبی‌گه تېگیشلی کیشی‌لر علاحده مراسم‌لر و عزادارلیکلر بیلن نشان‌له‌یدی.
بو ییل افغانستان‌ده، اهل تشیع خلق‌نینگ اوشبو مراسم‌لری طالبان تامانیدن یره‌تیلگن ایریم چیکلاولر بیلن اوتکزیلماقده.
طالبان افغانستان اینقسه کابل‌ده بو مراسم‌لرنی اوتکزیش اوچون خاص جای‌لرنی یره‌تگن و بو مخصوص مکان‌لردن باشقه ییرلرده مراسم اوتکزیش‌گه رخصت یۉق دیر.
شونینگدېک طالبان حاکمیتی، بوگون سه‌شنبه، ۲۶ – سرطان کابل و افغانستان باشقه ایریم منطقه‌لریده اجتماعی ترماق‌لرنی ایش‌دن توشیرگن.
طالبان بو ایش‌نی خوفسیزلیک تامین‌لنیشی مقصد آلگنی ایتیلماقده.
