طالبان عالی اوقوو وزیرلیگی نینگ سرپرستی ندامحمد ندیم، کابل‌ده اۉزبېکستان ایلچیسی یادگار خواجه شادمانوف بیلن اوچره‌شیب، بو مملکت نینگ افغانستان بیلن بۉلگن هر تامانلمه همکارلیکلریدن قدرله‌گن.
طالبان مذکور مقامی، بو اوچره‌شوویده، اۉزبېکستان‌نی افغانستان بیلن صادقانه همکارلیکلری بۉلگن مملکت بیان قیلگن.
شونینگدېک، طالبان عالی اوقوو وزیرلیگی، بلخ ولایتیده اۉزبېکستان تامانیدن بیر مسجد و بیر مدرسه قوریلیشیدن هم منتدارچیلیک بیلدیرگن.
عینی حالده، اۉزبېکستان ایلچیسی بو مملکت نینگ افغانستان بیلن بۉلگن همکارلیکلری دوامیدن ایشانچ بېرگن.
ایتیش کېره‌ک که اۉزبېکستان طالبان دوریده هم افغانستان بیلن علاقه‌لرینی دوام بېرگن آز مملکتلر جمله‌سیدن دیر.
