امریکا قۉشمه ایالتلری حربی کوچلری نینگ مرکزی قومندانلیگی یا ده «سنتکام» دنیا بۉیلب، داعش گروهی نینگ فعالیتلری آشیشیدن خبر بېرگن.
سنتکام تیکشیرووی گه اساس، داعش گروهی میلادی ۲۰۲۴ – ییل نینگ آلتی آییده، اۉتگن ییلگه نسبتن ایکی برابر کۉپراق هجوم اۉیوشتیرگن.
امریکا قۉشمه ایالتلری حربی کوچلری نینگ مرکزی قومندانلیگی تامانیدن نشر اېتیلگن اوشبو گزارشنی بیلدیریشیچه، جاری میلادی ییل باشلنیشیدن بۉیان داعش گروهی یالغیز سوریه و عراق مملکتلریده، ۱۵۳ حربی عملیات اۉیوشتیرگن.
شونینگدېک اوشبو زمان ایچیده امریکا کوچلری تامانیدن هم داعش گه قرشی ۱۹۶ عملیات بجریلگن که بو عملیاتلر عاقبتیده، داعش گروهی اعضالری جملهدن ۴۴ جنگری هلاک و ۱۶۶ جنگری هم اېسه توتقینگه آلینگن.
ایتیش کېرهک که روسیه مملکتیده داعش تامانیدن اویوشتیریلگن اخیرگی ییریک هجومدن کیین دنیا بۉیلب مملکتلرنی بو گروه برابریده دقتلری کۉپهیگن.
