قویاش ۱۴۰۳ – ییل کانکور عمومی سیناوی نینگ نتیجه‌سی اساسیده، کابل بیلیم یورتی اۉزبېک تیلی و ادبیاتی دیپارتمنتی اوچون ۴۶ طلبه قبول قیلینگن.
اۉزبېک تی‌وی اختیاریده قوییلگن معلومات‌گه اساس، اۉتگن ییل‌گه نسبتن بو ییل طلبه‌لر حضوری بو دیپارتمنت‌گه انچه یخشی.
چونکه اۉتگن ییل کانکور سیناوی نتیجه‌سیده کابل بیلیم یورتی اۉزبېک تیلی و ادبیاتی دیپارتمنتی اوچون یقین ۴۰ طلبه تانیشتیریلگن اېدی.
دیمک کابل بیلیم یورتی اۉزبېک تیلی بۉلیمی نینگ احوالی باشقه بیلیم یورتلرده‌گی بو بولیم همده اۉتگن ییل‌گه نسبتن انچه یخشی بۉلسه هم، بیراق بو وضعیت قانقرلی اېمس. چونکه اوچ ییل ایلگری کابل بیلیم یورتی اۉزبېک تیلی و ادبیاتی دیپارتمنت‌گه هر ییلی ۹۰ دن آرتیق طلبه قبول بۉلیشی معلوم قیلینماقده.
عینی حالده، کابل بیلیم یورتیده اۉزبېک تیلی و ادبیاتی اوچون قبول قیلینگن طلبه‌لردن بیر قسمی هم اقتصادی قیینچیلیکلر و امکانیت‌سیزلیکلر باعث اوقیش‌دن واز کیچیش‌لری ممکن‌لیگی هم بو بولیم اوچون ینه بیر اساسی خواطر دیر.
