افغانستان باشقه بیلیم یورتلری کبی سرپل ولایتی عالی اوقوو موسسه‌سی اینقسه بو اوقوو مرکزی نینگ اۉزبېک تیلی و ادبیاتی بولیمی هم طلبه آزلیک معماسی بیلن جدی دوچ دیر.
اۉزبېک تی‌وی اختیاریده قۉییلگن معلومات‌گه اساس، ایلگری ییللر هر ییلی ۵۰ – ۶۰ طلبه‌نی قبول قیلیب آله‌یدیکان سرپل اۉزبېک تیلی و ادبیات دیپارتمنتی، اخیرگی ییللر ایچیده آغیر احوال‌ده قالگن.
سرپل بیلیم یورتی اۉزبېک تیلی و ادبیاتی بولیمیده، طلبه قبول قیلیش وضعیتی اخیرگی اوچ ییل ایچیده قوییده‌گی وضعیت‌دن عبارت دیر.
سونگگی ۲-۳ ییل آره سیده اوشبو بولیم گه یوباریلگن طلبه لر سانی جوده آزه ییب بارماقده؛ قویاش ۱۴۰۱- ییل قیزلر اوقیشی تۉخته تیلگنی اوچون اوغیل باله‌لر سانی هم آزه‌ییب قالدی، قویاش ۱۴۰۲ – ییلی ۱۱ کیشی سرپل ولایت اۉزبېک تیلی و ادبیات بۉلیمیده تانیشتیریلگن. بو جمله‌دن ایریملری اۉزبېک ایمسلیگی و ایریملری اېسه اۉزبېکچه‌نی یاقتیرمه گنلیگی اوچون ۴ کیشی آت یازدیریشگن که اولرنینگ ۳ کیشی سی بیرینچی سمسترنی هم توگتمه ی کیتیشیب، اوقیش‌نی ترک قیلگن.
شوندی بیرحالده، جاری ییل ۱۴۰۲ – ییل کانکور سیناویدن کیین حاضرگه قدر ۳ کیشی سرپل اۉزبېک تیلی و ادبیاتیده کامیاب بۉلگنی معلوم قیلینگن.
طلبه لرنینگ آزه‌ییب باریشی، تدریجی حالده سرپل‌ده اۉزبېک تیلی و ادبیاتی دیپارتمنتی یاپیلیشیگه باعث بۉلیشی ممکن‌لیگی هم گمان‌دن تشقری اېمس.
اۉتگن ییللر اۉزبېک تیلی و ادبیاتی اوچون بیلیملی و یوقاری علملی کدرلر چیقاریب، جماعه‌میز اینقسه معنویت ساحه‌سیده یوبارگن سرپل بیلیم یورتی بو بولیمی نینگ کیله‌جگی اوچون چاره-تدبیر کوریلیشی کېره‌ک دیر.
