بوکون : یکشنبه 9 سنبله 1404

Kabul
+10...+17° C

بوکون : یکشنبه 9 سنبله 1404

Kabul
+10...+17° C

اۉزبېک تی‌وی

پخش ویدیو

اېنگ کوپ اۉقیلگن

پاریس المپیک اۉیین‌لری؛ افغانستان و اۉزبېکستان اشتراکی توغریسیده نیمه‌لرنی بیله‌سیز؟

سپورت عالمی‌ده مهم و ییریک واقعه‌لردن بۉلمیش یازگی المپیک اۉیین‌لری بو دورینی فرانسه مملکتی نینگ باشکینتی «پاریس» شهری میزبان‌لیک قیلماقده.

دیمک بو اۉیین‌لرده دنیا بۉیلب مملکت‌لردن، ۱۰ مینگ و ۵۰۰ گه یقین سپورتچی اشتراک قیلگنی ایتیلماقده.

پاریس یازگی المپیک اۉیین‌لریده افغانستان سپورتچی دولتی حمایه‌سیزلیک بیرحالده و اۉزبېکستان‌لیک سپورتچیلر اېسه ۲۰۰ مینگ امریکا دالرگه قدر دولتی مکافات اعلان اېتیلگن بیرحالده اشتراک اېتماقده.

افغانستان

پاریس ۲۰۲۴ یازگی المپیک اۉیین‌لریده، افغانستان تامانیدن آلتی سپورتچی جمله‌دن اوچ قیز و اوچ ایرکک اشتراک قیلگن.

دیمک بو اۉیین‌لرده یولدوز و فریبا هاشمی آپه‌سینگیللر بایسکل هیده‌ش بۉلیمیده، فهیم انوری سوزیش، صمیم فیض‌زاد جودو، کیمیا یوسفی همده شاه محمود نورزهی یوگوریش بۉلیملریده افغانستان نینگ پاریس المپیک اۉیین‌لریده وکیللری دیر.

بو جمله‌دن فریبا و یولدوز آپه سینگیلللر فاریاب‌لیک و اۉزبېک دیر.

افغانستان تامانیدن بو اویینچیلر شوندی بیرحالده پاریس اۉیین‌لریده اشتراک اېتماقده دیر که حاضر طالبان حاکمیتی آستیده بۉلگن بو مملکت کۉپلب قیینچیلیکلرنی باش‌دن کیچیرماقده.

بو قیینچیلیکلردن کۉپینچه‌سی خاتین-قیزلرنی نشان‌گه آلگن و طالبان عیاللر حضورینی کۉپلب ساحه‌لر جمله‌دن سپورت بۉلیمیده یۉق قیلماقده، شو باعث طالبان پاریس یازگی المپیک اۉیین‌لریده افغانستان نامی‌دن بارگن اوچ قیز سپورتچینی تَن آلمسلیکلرینی اعلان قیلگن.

افغانستان‌لیک سپورتچیلر بو دور پاریس یازگی المپیک اۉیین‌لریده شوندی دولتی حمایه‌سیزلیک بیرحالده اشتراک قیلگنلر بۉلسه هم اولر افغانستان آتینی کوتاریش‌گه اولگورماقده‌لر.

ایتیش کېره‌ک که افغانستان بوندن ایلگری کمیده ۱۵ مراتبه المپیک اۉیین‌لریده حضور تاپکن که بو اۉیین‌لردن حاضرگه قدر ۲ مدال قۉلگه کېلتیرگن.

اۉزبېکستان

اۉزبېکستان المپیک اۉیین‌لریده اورته آسیا مملکت‌لری جمله‌سیدن اینگ فخرلی و کۉپ سانلی سپورتچی‌گه ایگه مملکت‌ دیر.

بو دور یازگی المپیک اۉیین‌لریده اۉزبېکستان‌دن ۹۰ سپورتچی اشتراک اېتگن، بو بیلن اۉزبېکستان تاریخیده اینگ کتته جماعه بیلن یازگی المپیک اۉیین‌لریده اشتراک قیلماقده.

اۉزبېکستان سپورتچی‌لریدن ۳۲ نفرینی عیاللر شکل‌لنتیرگن.

اۉزبېکستان حاضرگه قدر ۳۶ مدال جمله‌دن ۱۰ آلتین المپیک مدال‌نی قۉلگه کېریتگن.

اۉزبېکستان حکومتی بو دور المپیک اۉیین‌لریده غلبه قازانگن اۉزبېکستان‌لیک سپورتچیلر اوچون کتته مقدارده‌گی پول مکافات هم نظرگه توتگن.

اۉزبېکستان حکومتی قراری‌گه اساس، پاریس یازگی المپیک اۉیین‌لریده آلتین مدال آلگن اۉزبېکستان‌لیک سپورتچی اوچون ۲۰۰ مینگ امریکالیک دالر بېریله‌دی.

شونینگدېک کوموش مدال قهرمانی‌گه ۱۰۰ مینگ دالر وعده قیلینگن و برنز مدال بیلن اۉیین‌لرنی یکونلنتیرگن اۉزبېکستان‌لیک سپورتچیلر اوچون ۵۰ مینگ امریکالیک دالر نظرگه توتیلگن.

شریک قیلینگ

Related Posts

Add New Playlist