فاریاب ولایتیده یوز بېرگن ایکی علاحده واقعه عاقبتیده، طالبان بیر اعضاسی همده بیر عیال اۉلدیریلگنی خبر قیلیندی.
معلومات‌لرگه کۉره، اۉتگن کون پیشین‌دن کیین فاریاب ولایتی المار اولسواللیگی بازاریده قورالی ایکی کیشی، طالبان بیر اعضاسینی اوققه توتیب اۉلدیرگن.
بو واقعه عاقبتیده طالبان نینگ محمدعلی ناملی بیر عسکری جان بېرگن.
شونینگدېک اوشبو کون جریانیده، فاریاب ولایتی شیرین تگاب اولسواللیگیده حامله‌دار بیر عیال ناتانیش شخص‌لر تامانیدن اۉلدیریلگنی خبر قیلیندی.
ایتیلیشیچه بو واقعه شنبه‌دن یکشنبه‌گه اوتر کیچه شیرین تگاب اولسواللیگی نینگ «تورتکل» منطقه‌سیده یوز بېرگن.
اوشبو واقعه یوزه‌سیدن ایکی کیشی طالبان تامانیدن اوشلنگنی هم خبر قیلینماقده.
