طالبان تشقی ایشلر وزیرلیگی بیر بیانات ترقه‌تیب، دنیا بۉیلب بیر قنچه مملکتلر جمله‌دن، لندن، بلجیم، برلین، بن، ایتالیا، سویس، اتریش، یونان، پولند، کانادا، ناروی، فرانسه، سویدن و استرالیا مملکتلریدهگی افغانستان دیپلوماتیک نماینده‌لیکلر و کنسولگرلیکلر تامانیدن ترقه‌تیلگن حجت‌لرنی تَن آلمسلیکلرینی بیلدیرگن.
طالبان تشقی ایشلر وزیرلیگی سۉزلاوچیسی نینگ اۉرین باسری ضیااحمد تکل، اۉزینی ایکس صحیفه‌سیده ترقه‌تگن بیاناتیده ایتیشیچه، مذکور دیپلوماتیک نماینده‌لیکلر کابل بیلن هیچ قندی علاقه‌سی یۉق دیر.
طالبان بو قرارنی شوندی بیرحالده آلماقده دیر که طالبان حاضرگه قدر هیچ بیر مملکت تامانیدن رسمی تَن آلینگن اېمس و شو باعث افغانستان نینگ کۉپلب دیپلوماتیک نماینده‌لیکلری حاضر هم سابق حکومت دیپلومات‌لری تامانیدن باشقریله‌دی.
