بیرلشکن ملتلر تشکیلاتی نینگ خوفسیزلیک کېنگشی اۉتگن کون، ایران پایتختی تهرانده حماس سیاسی رهبری اۉلدیریلیشی خصوصیده بیر ییغین اوتکزگن.
بو ییغیندن نشر اېتیلگن بیاناتده کېلیشیچه، بیرلشکن ملتلر تشکیلاتی خوفسیزلیک کېنگشینینگ اعضالری، منطقه اینقسه یقین شرق مملکتلری اوروش تامان کېتیشیدن آگاهلنتیرگن.
بو ییغینده، بیر نیچه مملکتلر وکیللری جملهدن الجزایر، لبنان و ایران وکیللری، اسراییل حرکتلریدن تنقید قیلیب، اسراییل خلقارا اصوللرنی بوزیب منطقهنی ناتینچلیک تامان آلیب کېتماقده دېگن.
شونینگدېک، ایریم باشقه مملکتلر جملهدن امریکا قوشمه ایالتلری و فرانسه، ایران نینگ منطقهده بۉلگن فعالیتلرینی خوفلی اوقیگن.
بو مملکتلر ایشانچگه کۉره، ایران مملکتی منطقهدهگی ایریم گروهلردن ناتوغری فایدهلنیب، اوروشلرگه اساس قۉیماقده دیر.
یقین شرقده مملکتلر اینقسه اوروشلر و تارتیشوولر تامانیدن خلقارا قانونلر و اصوللر نظرگه توتیلمسلیگی بیرلشکن ملتلر تشکیلاتی خوفسیزلیک کېنگشی نینگ ییغینیده خواطر بیلدیریلگن باشقه موضوعلردن اېدی.
دیمک اوشبو ییغین کۉپلب اشتراکچیلری، بو کېتیشگه منطقهده کوچلی و ییریک بیر اوروش یوز بېریشی گماندن تشقری اېمس دېب معلوم قیلگنلر.
