بریتانیا نینگ اکونومست گزیته‌سی یقین‌ده بیر گزارش نشر قیلیب، ترامپ نینگ جمهور باشلیغ بۉلیب سیله‌نیشیدن قیسی مملکتلر کۉپ زیان کوریشی ممکن‌لیگینی تحلیل قیلگن.
بو گزیته تحلیلچیلری نینگ ایشانچ‌گه کۉره، دونالد ترامپ ایکینچی مراتبه، امریکا قۉشمه ایالتلری نینگ جمهور باشلیغی بۉلسه، بو مملکت‌نینگ مهاجرت، حربی و اقتصادیات بۉییچه سیاست‌لریده کتته اوزگریش‌لر یوز بېریشی ممکن دیر.
اوشبو تحلیل‌گه اساس، ترامپ جمهور باشلیغ بۉلگن تقدیرده اینگ کۉپ زیان کوره‌یدیکان بیرینچی مملکت «مکزیک» دیر.
مکزیک
ایتیلیشیچه، دونالد ترامپ جمهور باشلیغ بۉلگن تقدیرده مهاجرت مساله‌سی خصوصیده چیکلاولر یره‌تیشی ممکن شو اوچون بو مساله‌دن هر بیر مملکت‌گه نسبتن مکزیک کۉپ زیان کۉره‌دی. چونکه مکزیک مملکتی نینگ کۉپینچه فقراسی قانونی و ناقانونی حالده امریکاده باریب ایشله‌یدیلر و ووییردن مکزیک عایله‌لرینی کۉپینچه‌سی مالی قولب-قوتلنه‌دی، بو توغریده چیکلاو یره‌تیلگن تقدیرده مکزیک اقتصادیات ساحه‌سی زیان کوره‌دی.
شونینگدېک مکزیک اۉتگن ییل ایچیده امریکا نینگ بویوک سوداگرلیک شریک‌گه اَیله‌نگن ایکن و سوداگرلیک ساحه‌سیده هم یره‌تیلگن هر قندی چیکلاودن مکزیک اقتصادی زیان کۉریشی انیغ دیر.
جرمنی
اکونومیست گزیته‌سی تحلیل قیلیشیچه، ترامپ قدرت‌گه قیتگندن کیین ناتو خوفسیزلیک تشکیلاتی نینگ کۉپلب اعضالری جمله‌دن جرمنی مملکتی مدافعه بودجه‌سینی آشیریشی کېره‌ک بۉلیشی ممکن دیر.
ترامپ جرمنی‌ده بۉلگن امریکا نینگ حربی خرجت‌لرینی کمه‌یتیرگن تقدیرده بو مملکت حربی بودجه‌سینی کۉپه‌یتیریشی کېره‌ک بۉله‌دی.
شونینگدېک دونالد ترامپ، امریکا نینگ اوکراین‌نی قولب-قوتلش اوچون بودجهسی هم آزه‌ییشی و بودجه ناتو تشکیلات باشقه اعضالری اوستیده علاوه اېتیلیشی ممکن دېب معلوم قیلینگن.
چین
اکونومست گزیته‌سی دونالد ترامپ قدرت‌گه کېلگندن کیین سوداگرلیک ساحه‌سیده هم ایریم چیکلاولر جمله‌دن چین مملکتی محصولاتلری برابریده قۉلگه آلینیشی ممکن دیر.
ایتیلیشیچه، دونالد ترامپ جمهور باشلیغ بۉلگنده، چین محصولاتلری اوستیده ۶۰ فایزگه قدر باج جاری اېتیشیدن آگاه‌لنتیرگن، شوندی اېکن چین مملکتی ترامپ تامانیدن یره‌تیلیشی ممکن بۉلگن سوداگرلیک ساحه‌سیده‌گی چیکلاولردن زیان کۉره‌یدیکان مملکتلردن دیر.
اکونومست گزیته‌سی، روسیه مملکتی نینگ غرب بیلن هر قندی علاقه‌لری اینقسه سوداگرلیک علاقه‌لرینی بوزگنی باعث ترامپ قدرت‌گه کېلیشی بی‌فرق بۉلگن مملکتلر جمله‌سیدن دېب تانیشتیرگن.
