افغانستان‌نی قیته قوریش اوچون امریکا قوشمه ایالتلری نینگ مخصوص تیکشیروچیسی اداره‌سی یاده «سیگار» افغانستان خصوصیده ینگی بیر گزارش نشر قیلگن.
اوشبو گزارش‌نی بیر بۉلیمی، افغانستان سابق حکومتی همده طالبان کوچلری رقمی توغریسیده قره‌تیلگن.
سیگار گزارش‌نی بیلدیریشیچه، طالبان کوچلری نینگ رقمی سابق حکومت کوچلری گه نسبتن آشگن.
سیگار نی ادعا قیلشیچه، میلادی ۲۰۲۴ – ییل جون آیی نینگ ۲۴ سیگه قدر طالبان کوچلری نینگ رقمی، ۱۷۷ مینگ و ۸۹۰ کیشی و پولیس کوچلری نینگ رقمی اېسه، ۲۱۱ مینگ و ۲۴ کیشی دن عبارت بۉلگن.
دیمک سابق حکومت حربی کوچلری نینگ رقمی، ۱۸۲ مینگ و ۷۱ کیشی و بو حکومت دوریده، پولیس کوچلری رقمی یقین ۸۸ مینگ کیشی ایکن.
شوندی بۉلسه هم سیگار افغانستان‌ده ترورچی گروهلر فعالیتی دوامی‌دن خبر بېریب ایتیشیچه، حاضر افغانستان‌ده ۳۵۰۰ گه قدر داعش اعضاسی موجود دیر که داعش گه باغلیق باشقه گروهلر جنگری‌لری بیلن بیرگه بو رقمی آلتی مینگ کیشی‌گه ییتیشه‌دی.
سیگار تامانیدن نشر اېتیلگن بو گزارش باشقه بولیملری، افغانستان اوچون امریکا نینگ انسان‌پرورلیک یاردملری، خلق‌ارا هم‌جمعیتی نینگ طالبان بیلن بۉلگن علاقه‌لری، مخدره ماده‌لر و انسان‌پرورلیک یاردملری توغریسیده قره‌تیلگن.
