بوگون سه‌شنبه، ۱۶ – اسد تخار ولایتی نینگ مرکزی تالقان شهریده ایچکی محصولاتلر و قۉل صناعتی کورگزمه‌سی آچیلیب، ینه ایکی کون‌گه قدر دوام اېتیشی ریجه‌لشتیریلگنی معلوم قیلیندی.
معلومات‌لرگه کۉره، بو کورگزمه‌ده‌گی کمیده ۱۰۰ غرفه‌ده قۉل صناعتی و باشقه بولیملر جمله‌دن ایکینچیلیک محصولاتلری کورگزمه‌ده قۉییلگن.
مذکور کورگزمه‌ده تخار ولایتیده ایشلب چیقاریلگن محصولاتلر یانیده کندوز ولایتیده ایشلب چیقاریلگن تورلی خیل محصولاتلر هم کورگزمه‌ده آلیب کېلینگن.
بو کورگزمه‌نینگ بویوک بیر بولیمی خاتین-قیزلر تامانیدن ایشلب چیقاریلگن، قۉل صناعتی محصولاتلری اوچون اجره‌تیلگن.
قطغن و تورکستان ولایتلریده جایله‌شگن اۉزبېک عیاللرینی چیبر قۉللری بیلن ایشلب چیقاریلگن قۉل صناعت‌لری چیرایلیک نقطه‌ی نظردن آلقیش‌گه سزاوار دیر.
بیراق اخیرگی ییللر ماشینه و برقی اوسکونه‌لر آرقه‌لی ایشلب چیقاریلگن صناعت‌لر کۉپه‌یگنی باعث، قۉل صناعت‌لرینی بازاری انچه ساووگن.
حاضر بو کورگزمه‌ده قتنشگنلر هم بو ییرده کیلیش‌لریدن مقصد، قۉل صناعت‌لری رواجلنیشی همده اولر اوچون ماس بازار تاپیلیشی دیب معلوم قیله‌دیلر.
