طالبان احصاییه و معلومات اداره‌سی نینگ اعلام قیلیشیچه، بو اداره‌ده موجود معلومات‌گه اساس، افغانستان جمعیتی ۳۵.۷ میلیون کیشی دیر.
اوشبو اداره رسمی‌لری تامانیدن خبری بیر ییغین آرقه‌لی یېتکرمه‌لر اختیاریده قۉییلگن معلومات‌نی بیلدیریشیچه، افغانستان جمعیتی جمله‌سیدن ۱۸.۲ میلیون‌نی ایرکک‌لر و ۱۷.۵ میلیون‌نی اېسه عیاللر شکل‌لنتیره‌دی.
شونیندېک طالبان احصاییه و معلومات اداره‌سی، افغانستان جمعیتی جمله‌سیدن ۹.۲ میلیونی شهرلرده، ۲۵ میلیونی قشلاق‌لرده و ۱.۵ میلیونی اېسه کوچی حالده یشه‌شینی معلوم قیله‌دی.
عینی حالده طالبان بو رقم‌نی تخمینی ایکنینی تاکیدلب، افغانستان جمعیتی انیق رقم‌نی چیقاریش اوچون مملکت بۉیلب بیر تیکشیروو اوتکزیلیشی کېره‌ک دېب بیلدیره‌دی.
