بامیان ولایتی خوفسیزلیک قومندان‌لیگی بوگون شنبه، ۲۰ – اسد بیر بیانات نشر قیلیب، بو ولایتده ترافیکی بیر حادثه یوز بېرگنیدن خبر بېردی.
بامیان ولایت خوفسیزلیک قومندان‌لیگی تامانیدن نشر اېتیلگن بیانات‌ده کېلیشیچه، بو ولایت مرکزی‌ده جایله‌شگن «سرای سرخدر» منطقه‌سیده یوز بېرگن ترافیکی حادثه عاقبتیده ایکی کیشی اۉلیب و ۷ کیشی یره‌لنگن.
بوگون اېرته‌لب ساعت ۸:۴۵ اطرافیده یوز بېرگن بو واقعه‌ده جان بېرگنلر بیر عیال و بیر باله دیر.
شونینگدېک اۉتگن کیچه بامیان ولایتیده یوز بېرگن ینه بیر ترافیکی حادثه عاقبتیده ۳ کیشی یره‌لنگنی خبر قیلیندی.
