طالبان مهاجرلر وزیرلیگی نینگ رسمی‌لری بوگون یکشنبه، ۲۱ – اسد حکومت یېتکرمه‌لری و اخبارات مرکزیده خبری بیر ییغین اوتکزیب، بو وزیرلیک تامانیدن بجریلگن ایشلر توغریسیده تفصیلات بېردی.
طالبان مهاجرلر وزیرلیگی نینگ معلوم قیلیشیچه، اۉتگن بیر ییل ایچیده، بیر میلیون و ۷۷۹ مینگ و ۶۰۳ مهاجر، ایران، پاکستان و باشقه مملکتلردن افغانستان‌گه قیتیب کېلگن.
شونینگدېک طالبان مهاجرلر وزیرلیگی، اۉتگن ییل جریانیده پاکستان و ترکیه‌ده محبوس ۵۷۶۶ افغانستان وطنداشی آزاد اېتیلگن و کمیده تۉرت مینگ کیشی هم ایران قماقخانه‌لریدن آزاد اېتیلگن.
طالبان شوندی بیرحالده بو رقم‌لرنی نشر قیلماقده دیر که بیرلشکن ملتلر تشکیلاتی نینگ مهاجرلر ایشلر بوییچه اداره‌سی، یقین‌ده بیر گزارش نشر قیلیب سونگی تۉرت ییل جریانیده کمیده ۸ میلیون کیشی افغانستان‌نی ترک اېتگنینی معلوم قیلگن اېدی.
