فرانسه مملکتی نینگ پایتختی پاریس شهریده یۉلگه قۉییلگن یازگی المپیک اۉیین‌لری، کمیده ۱۵ کون دوام اېتگن‌دن کیین یکونلندی.
بو اۉیین‌لرده امریکالیک سپورتچیلر ۱۲۶ مدال جمله‌دن ۴۰ آلتین مدال، ۴۴ کوموش مدال و ۴۲ بُرنز مدال آلیب بیرینچی اۉرین‌ده قرار تاپدیلر.
امریکادن کیین چین سپورتچیلری ۹۱ مدال جمله‌دن ۴۰ آلتین مدال، ۲۷ کوموش و ۲۴ بُرنز بیلن ایکینچی اۉرین‌ده قرار تاپکن.
پاریس المپیک اۉیین‌لریده اینگ کۉپ مدال آلگن باشقه مملکتلر جاپان، آسترالیا و فرانسه مملکت‌لریدن عبارت دیر.
بو دور یازگی المپیک اۉیین‌لریده اۉزبېکستان‌لیک سپورتچیلر هم یخشی پارله‌دی و اۉیین‌لرده اشتراک اېتگن مملکتلر ایچیده ۱۳ – اۉرین‌نی اۉزلریدن قیلدیلر.
ایتیش کېره‌ک که بو ییل پاریس المپیک اۉیین‌لری، باشلنیشی‌دن ایلگری داعش گروهی بو اۉیین‌لرگه قرشی هجوم اویوشتیریشیدن آگاه‌لنتیرگن اېدی.
شوندی بۉلسه هم بو اۉیین‌لر ۲۰۶ مملکت‌دن بۉلگن ۱۱ مینگ‌‌دن آرتیق سپورتچی آره‌سیده جدی بیر ناتینچ‌لیک واقعه یوز بېرمه‌ی اوتکزیلدی.
