قویاش ۱۴۰۳ – ییل نینگ ۲۴ – کونی، افغانستان حاکمیت‌گه طالبان قیتیب کېلیشی اوچ ییل‌لیگیگه ماس دیر.
دیمک طالبان اوچ ییل‌دن بویان افغانستان حاکمیت‌نی قۉلگه آلگن و بو ییللر جریانیده افغانستان‌نی اوز فکرلریگه اساس باشقریش اوچون اهالی برابریده کۉپلب چیکلاولرنی یره‌تیب و اولرنی عملگه آشیرگن.
اوشبو چیکلاولردن کۉپینچه‌سی خاتین-قیزلرنی نشان‌گه آلگن که بو جمله‌دن قیزلرنی اوقیش‌دن محروم اېتیلیشی مهم و اچینرلی دیر.
طالبان اۉزلری نینگ دین و شریعت‌دن بار توشینچه‌لری همده پشتون‌والی اویله‌شلری باعث قیزلرنی اوقیش‌دن محروم سقلب کېلماقده، بو اېسه بیرینچی بۉلیب قیز و اوغلی بیلیم‌لی و زمانوی توشینچه‌لی بۉلیش‌نی خواهله‌گن عایله‌لر و کیین اېسه جماعه‌لرنی زیان‌لنتیرگن.
طالبان تامانیدن قۉلگه آلینگن قیزلر اوقیشی برابریده یره‌تیلگن چیکلاو ایسلب اوتیلگندیک طالبان نینگ دین‌دن بۉلگن توشینچه و پشتون‌والی اویله‌شلری اساسیده بۉلسه‌ده بیراق بیزنی خلق‌میز تاریخ بوییچه بیلیم و مدنیت‌گه قیزیقیب و اۉزلریدن انسانی مدنیت و تمدن‌لرنی قوریب کېلگن خلق دیر.
شوندی ایکن گوهرشاد بیگیم کبی بیلیم‌لی عیاللرنی تاریخ ایچیده اۉزیدن چیقاریب بشریت‌گه تقدیم قیلگن خلق‌نی قیزلری بوگون بیلیم آلیش‌دن محروم سقلنیشی بو خلق‌نی مدنیت و ملی غایه‌لریگه قرشی دیر.
اوشبو فخرلی اوتمیش باعث هم اۉزبېکانه توشینگن هیچ بیر خانه‌دان باله‌لری (اوغیل و قیز) کیله‌جگده، قرانغو اویله‌شلی بۉلیب چیقیشینی خواهله‌مه یدی.
دیمک، افغانستان‌ده قیزلرنی اوقیش‌دن محروم اېتیلیشی بیزنی ملی غایه‌میز و فخرلی اوتمیشیمیزگه قرشی همده بیز اوچون کتته ظلم دیر.
