رسمی تَن آلینمه‌گن معلومات‌لرگه کۉره، پشتون‌لردن کیین اینگ کۉپ طالبان جنگری‌سینی اۉزبېک طالب‌لر شکل‌لنتیره‌دی که اولرنی حصه‌سی طالبان‌نینگ اوروش‌لرده بۉلگن غلبه‌لری اینقسه تورکستان و قطغن ولایتلری نینگ طالبان قۉلی‌گه توشیشی اوچون اونملی اېدی.
طالبان حاکمیت‌نی بوتونله‌ی قۉلگه کېلتیرگن‌دن کیین اونچهلیک اۉزبېک طالب‌لرگه حکومت‌لریده سهم بېرمه‌دی.
بوندن ایلگری نشر اېتیلگن بیر تدقیقات نتیجه‌سیگه اساس، طالبان حکومتی‌ده اۉزبېک‌لرگه یالغیز یقین ۳ فایز حصه بېریلگن و اۉزبېک‌لرنی کۉپینچه موقف‌لری هم سمبولیک بۉلگنی اَیتیلماقده.
شونینگدېک طالبان حاکمیتی اخیرگی اوچ ییل جریانیده اۉزلری نینگ اۉزبېک اعضالریدن بیر قنچه‌سینی تورلی بهانه‌لر بیلن حبس‌گه آلگن و کۉپینچه‌لرینی هم ایش‌دن بوشه‌تگن.
یقین‌ده «رواداری» نامی آستیده بۉلگن انسان حقلری نهادلریدن بیری بیر گزارش نشر قیلیب ایتیشیچه، طالبان دولتی اداره‌لرده ایشلاوچیلرنی تعصب توشینچه‌لری اساسیده ایش‌گه آله‌دی و بو اېسه اۉزبېک‌لرنی ایش حقلری نقض اېتیلیشیگه یۉل قۉییشی ممکن دیر.
عینی حالده، طالبان تامانیدن اۉزبېک منطقه‌لریده جبری کوچ‌لنتیریش هم یوز بېردی که بو توغریده هم طالبان اۉزی نینگ اۉزبېک اعضالرینی نظرگه توتمه‌ی ریجه‌لرینی عملگه آشیردی‌لر.
