ایران مملکتی افغانستاندن بو مملکتگه مخدره مادهلر قاچاق اېتیلیشی خصوصیده بۉلگن خواطرلری آرتیدن، بیر هیات کابلگه یوبارگن.
طالبان ایچکی ایشلر وزیرلیگی سۉزلاوچیسی عبدالمتین قانعگه کۉره، ایرانلیک آلتی کیشیلیک هیات بو مملکت مخدره مادهلرگه قرشی کورهش ادارهسی نینگ اۉرین باسری محمد زارعی باشچیلیگیده کابل کېلگن.
طالبان ایچکی ایشلر وزیرلیگی بو وزیرلیک رسمیلری همده ایرانلیک مذکور هیات آرهسیده مخدره مادهلرگه قرشی کورهش مسالهلری توغریسیده ییغین اوتکزیلیشیدن هم خبر بېرگن.
ایرانلیک بو هیات شوندی بیرحالده کابل کېلماقده دیر که بوندن ایلگری ایران مملکتی نینگ رسمیلری افغانستاندن مخدره مادهلر قاچاق اېتیلیشی اینقسه صنعتی بنگیوار مادهلر قاچاق اېتیلیشی دوامیدن خواطر بیلدیرگن اېدی.
