اۉزبېکستان حکومتی نینگ عالی مرتبهلی مقاملرینی کابلگه بۉلگن سفری دوامیده، بو مملکت بیلن افغانستان آرهسیدهگی سوداگرلیک علاقهلر کینگهیشی مقصد بزنس فورمی و اۉزبېکستانده ایشلب چیقاریلگن ۵۰ دن آرتیق محصولاتلر کورگزمهسی آچیلدی.
اۉزبېکستان و طالبان رسمیلری اوشبو سعیوحرکتلر کابل و تاشکینت آرهسیدهگی سوداگرلیک علاقهلرنی کېنگهیتیریش مقصد قۉلگه آلینگنینی معلوم قیلهدیلر.
اۉزبېکستان رسمیلری تامانیدن بیریلگن معلوماتگه کۉره، حاضر افغانستان و اۉزبېکستان آرهسیدهگی سوداگرلیک رقمی ۶۶ میلیون دالردن عبارت دیر که بو رقم اخیرگی ییللر ایچیده اوچ برابر آشگن.
اۉزبېکستان سرمایه یاتقیزیش و سوداگرلیک وزیری لزیز قدرتاوف، بو رقمنی ۳ میلیارد دالرگه قدر ییتکزیلیشی اوچون کتته ریجهلری بارلیگینی معلوم قیلهدی.
ایتیش کېرهک که اۉزبېکستان باش وزیری عبدالله عارفاوف هم حاضر کابلده حضوری بار و طالبان مقاملری بیلن تورلی مسالهلر توغریسیده اوچرهشوو اوتکزماقده.
