اۉزبېک تیلی و ادبیاتی فعال بۉلگن افغانستان بیلیم یورتلریده اخیرگی اوچ ییلدن بویان طلبه آزلیک معماسی سیزیلەدی.
دیمک اۉزبېک تیلی و ادبیاتی دیپارتمنتلریده ایریم سببلر باعث قیزیقیش همده طلبهلر سانی انچه آزهیگن که بو سببلردن مهم بیرتهسی اۉزبېک تیلی و ادبیاتینی اوقیب چیققن یاشوییگیتلر اوچون ییترلیچه ایش زمینهسی یوقلیگی دیر.
افغانستان حاکمیتی باشقه بولیملر کبی اۉزبېک تیلی و ادبیاتنی اوقیب چیققنلر اوچون هم ایش زمینهلرینی یرهتیشگه بورچی بۉلسهده بیراق بو حاکمیتنینگ ایریم قرارلری اۉزبېک ادبیاتچیلری اوچون ایشسیزلیک معماسینی آشیرگن.
افغانستان حاکمیتی تامانیدن مکتبلرده کېرهک بۉلیب تورگن بیرحالده اۉزبېک تیلی اوقیتووچیسی بستلری ایجاد اېتیلمهگنی باعث کۉپلب ایش زمینهلری بو بولیمدن آلینگن.
شونینگدېک اخیرگی اوچ ییل جریانیده کۉپلب دولتی ادارهلردن اینقسه وزیرلیکلر و ولایتلر مقاملیکلری نینگ مطبوعات بولیملریده فعال بۉلگن اۉزبېک بولیمی فعالیتی تۉختهتیلگنی بو بولیمده ایشسیزلیکنی ینهده آشیرگن.
ایتیش کېرهک که افغانستان بویلب اوقیش اوچون انگیزهلر کمهیگنی و طالبان تامانیدن قیزلر اوقیشی تقیقلنگنی اۉزبېک تیلی و ادبیاتی اوچون قیزیقیشلر کمهیگن باشقه سببلریدن سنهلدی.
