سرپل ولایتی نینگ سانچارک اولسواللیگیده واقع «تبر» منطقه‌سیده، فوتسال اۉیینی اوچون بیر میدان آچیلگن.
ایتیلیشیچه اوشبو سپورت میدانی، بو منطقه ییگیت‌لریدن بیری نینگ تشبثی بیلن آچیلیب، فایده‌لنیش‌گه تاپشیریلگن.
اوشبو سپورت میدانی مسوولی بۉلمیش محبوب الحق نوری اۉزبېک تی‌وی گه ایتیشیچه، بو میدان معیاری کورینیش‌ده، قیته قوریلیب، فایده‌لنیش‌گه تاپشیریلگن.
دیمک بو میدان آچیلیشی مناسبتی بیلن اۉتگن آقشم یکشنبه، ۱۱ – سنبله، سرپل مرکزی شامل سانچارک و باشقه بیر قنچه اولسواللیکلردن بۉلگن ۸ فوتسال جماعه‌سی آره‌سیده بیله‌شوولر اۉتکزیلگن.
مذکور فوتسال میدانی آچیلیشی، منطقه اهالی‌سی تامانیدن قیزغین کوتیب آلینگنینی تیلگه آله‌دی، تورکستان فوتسال میدانی نینگ مسوولی محبوب الحق نوری.
عینی حالده، محبوب الحق نوری نینگ آرتیق‌لشیچه، سانچارک اولسواللیگی اینقسه بو اولسواللیک نینگ «تبر» منطقه‌سیده، سپورت اوچون قیزیقیش‌لر کۉپ دیر.
