افغانستان باشکینتی کابل شهری نینگ آلتینچی خوفسیزلیک حوزهسیده واقعه «قلعه اختیارالدین» منطقهسیده یوز بېرگن واقعهده بیش سارنوال جان بېرگن.
دیمک بو واقعه، اۉتگن آقشم دوشنبه، ۱۲ – سنبله، افغانستان سارنواللیک ادارهسی برابریده یوز بېردی.
طالبان بو واقعه عاقبتیده بیر عیال شامل آلتی کیشی جان بېرگنی و ینه ۱۳ کیشی یرهلنگنینی تصدیقلگن.
بو واقعه قربانلری کوپینچه یوکسک اوقیمیشلی کیشیلر و سابق حکومت دوریدن قالگن سارنواللر بۉلگنی معلوم قیلینگن.
معلوماتلرگه کۉره، بو واقعهده حجتالله میرزایی، احمدامین نصریار،الهامالدین یمین، وحیدالله نوری و خیرالدین مظهری دیگن کیشیلر جان بېرگن.
مذکور واقعه قربانلرینی کۉپینچهسی بدخشان ولایتیدن بۉلگنی هم ایتیلماقده.
عینی حالده، افغانستان جمهوریت تیزیمی دوریده باش سارنوال بۉلگن فرید حمیدی بو واقعهده قربان بۉلگنلر سابق حکومت دوریدهگی سارنواللر ایکنینی تصدیقلگن.
