قرغیزستان مملکتی نینگ تشقی ایشلر وزیرلیگی، طالبان گروهی بو مملکت ترورچیلیک قاره رویخطی‌دن چیقاریلگنینی تصدیق‌لدی.
بوندن ایلگری طالبان تشقی ایشلر وزیرلیگی، قرغیزستان مملکتی بو گروه نینگ ترورچیلیک قاره رویخطی‌دن چیقارگنینی اعلام قیلیب، بو مساله طالبان مملکتلر تامانیدن، رسمی تَن آلینیشی کۉپه‌یماقده‌لیگینی کۉرسه‌تدی دېگن اېدی.
ایشانچ‌لرگه کۉره، قرغیزستان مملکتی تامانیدن بو قرار ایکی مقصد اساسیده آلینگنی ممکن دیر.
بیرینچی قرغیزستان مملکتی اقتصادی اویله‌شلری باعث بو قرارنی آلیش‌گه مجبور بۉلگن و ایکینچی هم بو مملکت تشقی سیاستیده روسیه مملکتی نینگ کتته حصه‌سی دیر.
اوشبو ایکی مساله قرغیزستان تامانیدن، طالبان برابریده آلینگن بو یخشی یانده‌شوو سبب‌لری دېب معلوم قیلینماقده.
بو ایشانچ‌لر شوندی بیرحالده دیر که قرغیزستان باش وزیری یقین‌ده، طالبان حاکمیتی تیپه‌سیده تورگن افغانستان بیلن سوداگرلیک علاقه‌لرینی آشیریش آرتیدن ایکنینی اعلام قیلگن همده روسیه جمهور باشلیغی نینگ سۉزلاوچیسی دیمیتری پسکوف هم، قرغیزستان بو قرارینی ایجابی فکر بیلن قرشی‌لگن.
ایتیش کېره‌ک که قرغیزستان‌دن ایلگری بو قرار قزاقستان مملکتی تامانیدن هم آلینگن اېدی.
