افغانستان‌لیک بیر قنچه طالبان‌گه قرشی جریان‌لر بویوک بریتانیا مملکتی نینگ کمبریج بیلیم یورتیده ییغیلیب، افغانستان کیله‌جگی توغریسیده فکر المشتیرگنلر.
بیبیسی گزارش‌گه کۉره، بو ییغین اشتراکچیلریدن کۉپینچه‌سی، افغانستان کیله‌جگی اوچون «نامتمرکز» بیر سیاسی تیزیم ییچیم یۉل دېب تکلیف قیلگنلر.
بو ییغین‌ده، بیر قنچه سیاسی جریان‌لر وکیللری جمله‌دن افغانستان‌نی قوتقریش اوچون ملی مقاومت کېنگشی وکیلی همده افغانستان فدرالچی‌لر مجمع‌سی وکیلی، بو جریان‌لر افغانستان‌ده فدرالی کبی نامتمرکز سیاسی تیزیم‌نی خواهله‌یدی دېب بیلدیرگن.
شونینگدېک بو ییغین‌ده، افغانستان‌لیک عالم و جماعه‌شناس نظیف شهرانی، افغانستان‌ده بیرینچی بۉلیب، سیاسی فرهنگ اوزگریشی کېره‌ک دېب تاکیدلگن.
عینی حالده بریتانیا نینگ «کینگز» بیلیم یورتی تدقیقاتچیسی بۉلمیش دیوید لوین، افغانستان‌لیک جریان‌لرنی کۉپینچه‌سی نامتمرکز بیر تیزیم‌گه موافق و بو اېسه افغانستان کیله‌جگی اوچون بیر یۉل خریطه‌سی ایجاد اېتیلیشیگه اوته مهم دېب بیلدیرگن.
