بیرلشکن ملتلر تشکیلاتی انسان حقلری کېنگشی نینگ نوبتده‌گی ییغینی بیرینچی کونی‌ده، افغانستان مساله‌سی هم محاکمه اېتیلدی.
اوشبو ییغین اشتراکچیلری، افغانستان‌ده انسان حقلری وضعیتی آغیرلشگنیدن خبر بېریب، بو مملکت‌ده خاتین-قیزلر قرانغو کونلرنی باش‌دن کیچیرماقده دېگن.
عینی حالده، بیرلشکن ملتلر تشکیلاتی انسان حقلری کېنگشی نینگ عالی کمیساری فولکر تورک، طالبان نینگ انسان حقلری گه قرشی بۉلگن یانده‌شوولری، افغانستان رواجلنیشی اوچون توسیق‌لیک یره‌تگن دېب اورغوله‌گن.
شونینگدېک فولکر تورک، طالبان بو یانده‌شوولری برابریده تۉخته‌ش کېره‌ک دېب تاکید قیلگن.
ایتیش کېره‌ک که طالبان بو کبی تنقیدلرگه قره‌مسدن، اۉزلرینی قتتیق یانده‌شوو و چیکلاولر بیلن بیرگه بۉلگن، حکومت‌لریگه دوام بېریب کېلماقده.
