خلق‌ارا یېتکرمه‌لرنی گزارش بیریشیچه، اوکراین جمهور باشلیغی ولادیمیر زیلینسکی یقین کونلر ایچیده، امریکا قوشمه ایالتلری‌گه سفر قیلیشی کوتیله‌دی.
شونینگدېک بو سفر دوامیده، اوکراین رهبری تامانیدن بو مملکتده‌گی جاری اوروش حقیده بۉلگن بیر ریجه هم امریکا رهبرلری‌گه تقدیم اېتیلیشی خبر قیلینماقده.
اوکراین جمهور باشلیغی «سی‌ان‌ان» ژورنالیستی بیلن اۉتکزگن صحبت‌لریده، اوشبو ریجه «اوکراین غلبه‌سی ریجه‌سی» دېب معلوم قیلگن.
اوکراین جمهور باشلیغی‌گه کۉره، بو ریجه تۉرت اساسی و بیرته هم قوشیمچه بنددن عبارت دیر که امریکا جمهور باشلیغی جوبایدن‌گه تقدیم اېتیله‌دی.
مذکور ریجه‌ده، اوکراین‌دن کوچلی حربی حمایه اېتیلیشی، اوکراین بیلن اقتصادی همکارلیکلر بۉلیشی، اوکراین خوفسیزلیگی و بو مملکت نینگ جیوسیاسی اۉرینی کېریتیلگنی معلوم قیلینگن.
عینی حالده، اوکراین جمهور باشلیغی امریکاگه بۉلگن سفریده، دیموکرات‌لر و جمهوری‌‌خواه‌لر کاندیدلری بۉلمیش کامالا هریس و دونالد ترامپ بیلن هم اوچره‌شیشی ممکن دیر.
