افغانستان‌دن تشقریده فعالیت قیلیب کېلگن مملکت تانیلگن یېتکرمه‌لریدن بۉلمیش «هشت‌صبح گزیته‌سی» بو یېتکرمه تامانیدن ییللیک بیر کنفرانس اۉتکزیلیشیدن خبر بېردی.
اوشبو یېتکرمه تامانیدن نشر اېتیلگن معلومات‌گه کۉره، کنفرانس امریکا قۉشمه ایالتلری نینگ پایتختی واشنگتن‌ده «افغانستان‌ده خیل‌مه‌خیللیک و تینگ‌لیک» نامی آستیده بۉلیب اۉته‌دی.
اوشبو ییغین اشتراکچیلری و سۉزلاوچیلری آره‌سیده، افغانستانلیک تورک‌لر اینیقسه اۉزبېک‌لرگه تېگیشلی هیچ کیم یۉق‌لیگی، اۉزبېک فعاللری‌نینگ قتیق تنقیدیگه سبب بۉلگن.
اۉزبېک فعاللری اجتماعی صحیفه‌لرده نشر قیلگن بیانات‌لریده، افغانستان‌ده تینگ‌لیک مساله‌سیگه بغیشلگن هر قنده‌ی بیر ییغیلیش‌ده، افغانستانلیک برچه خلق‌لر جمله‌دن اۉزبېک‌لر نظرگه توتیلیشی کېره‌کلیگی حقیده اورغوله‌گنلر.
ایتیش کېره‌ک که هشت صبح تامانیدن، افغانستانلیک ژورنالیست‌لر، انسان حقلری و مدنی فعاللردن تشکیل بۉلگن ۲۰ کیشی، کنفرانس اشتراکچیلری و سۉزلاوچیلری اوله‌راق اعلام اېتیلگن.
