فاریاب ولایتی شیرینتگاب اولسواللیگیدن بۉلگن منبعلر، اۉزبېک تیوی بیلن شریک قیلگن معلوماتلریده، بو منطقهده کمیده ۲۴ گج تاشی ایشلب چیقاریش شرکتلر فعالیتی تۉختهتیلگنینی ادعا قیلماقدهلر.
مذکور منبعلرنی کۉپهیتیریشیچه، بو شرکتلر فعالیتلری کمیده بیر یریم آیدن بویان طالبان تامانیدن تۉختهتیلگن.
فاریاب ولایتیدن بۉلگن بیر کیشینینگ اۉزبېک تیوی گه ایتیشیچه “بیزنینگ اولسواللیگیمیزده ۲۴ گج شرکتی بار اېدی که فعالیتلری یقین بیر یریم آیدن بیری تۉختهتیلگن، چونکه کانلر و پترولیم وزیرلیگی گج ایشلب چیقاریشگه رخصت بېرمهیدی، بو خصوصده شرکتلر قراردادلرینی هم هیچ قندی معماسی یۉق دیر.”
اولر بو کمپنیهلر فعالیتلری تۉختهتیلیشی سببی تۉغریسیده طالبان تامانیدن انیق آچیقلیک بیریلمهگنینی بیلدیرهدیلر.
شونینگدېک بو منبعلرنی اۉزبېک تیوی گه ایتیشیچه، مذکور شرکتلرده کمیده ۸۰۰ کیشی ایش بیلن تامینلنگن ایکن که بو کمپنیهلر فعالیتی تۉختهتیلیشی بیلن اولر تقدیرسیز بیرحالده قرار تاپکن.
منبع نینگ بو توغریده آرتیقلشیچه “بو شرکتلرده یقین ۸۰۰ غریبکار کیشی ایش قیلر اېدی، حاضر بو کیشیلردن بیر قنچه کیچه و کوندوز ییگولیک نانلریگه محتاج بۉلیب قالگن.”
فاریاب ولایتی نینگ بو اهالیسی طالبان کانلر و پترولیم وزیرلیگیدن تیزلیک بیلن بو کمپنیهلر فعالیتی اوچون رخصت بېریشلرینی سۉرهیدیلر.
