رویترز یېتکرمه‌سی لبنان‌لیک بیر منبع‌دن نقل قیلیب یازیشیچه، لبنان حزب الله‌سی اعضالری نینگ علاقه قوریش اوسکونه‌سی بۉلمیش پیجرلریده، آی‌لر ایلگری اسراییل تامانیدن پارتلش ماده‌لری اۉرنه‌تیلگن اېکن.
ایتیلیشیچه اوشبو ماده‌لر بیش مینگ‌دن آرتیق پیجرده اۉرنه‌تیلگن که اولرنی برچه‌سی حزب الله اعضالری آره‌سیده ترقه‌تیلگن.
دیمک بو پیجرلرنی حزب الله‌گه ساتگن تایوان‌لیک کمپنیه رسمی‌لری، اولر آرقه‌لی پارتلش ماده‌لری اۉرنه‌تیلمه‌گنینی اورغولب، بو پیجرلر اروپاده ایشلب چیقاریلگنینی بیلدیرگن.
ایتیش کېره‌ک که حاضرگه قدر اوشبو پیجرلر پارتله‌گنی عاقبتیده ۱۱ کیشی اۉلیمی و یقین اوچ مینگ کیشی یره‌لنگنینی خبر قیلینگن.
