بیرلشکن ملتلر تشکیلاتی خوفسیزلیک کېنگشی ینه بیربار ییغین اۉتکزیب، افغانستان‌ده‌گی جاری وضعیت تۉغریسیده بحث قیلدی.
اوشبو ییغین‌ده، ینه بیربار طالبان نینگ دوام اېتیب تورگن سیاستی مملکتلر وکیللری تنقیدی‌گه سبب بۉلدی.
بو ییغین‌ده امریکا قوشمه ایالتلری و بریتانیا کبی بیرلشکن ملتلر تشکیلاتی خوفسیزلیک کېنگشی نینگ اعضالری، طالبان تامانیدن انسان حقلری نقض اېتیلیشی دوامی‌دن تنقید قیلگن.
شونینگدېک طالبان حاکمیتی آستیده‌گی، افغانستان‌دن بۉلگن ترورچیلیک تهدیدلری خصوصیده‌گی خواطرلر بو ییغین‌ده ینه بیربار تیلگه آلیندی.
بو خواطرلر طالبان بیلن یقین مناسبت‌ده بۉلگن، پاکستان، چین و روسیه مملکتلری نماینده‌لری تامانیدن بیان اېتیلدی.
