تورکیه باشکینتی انقره شهریده، تورک دنیاسی شاعرلری و یازووچیلری نینگ بیرینچی اوچره‌شووی، یۉلگه قۉییلگن.
اۉتگن کون کیچ قورون‌ده، رسمی آچیلگن بو اوچره‌شوو اوچ کون دوام اېتیب، اونگه تورک دنیاسی بوتون مملکتلریدن شاعرلر و یازووچیلر ییغیلیب، علمی و ادبی اثرلرینی ترقه‌تماقده.
گونی تورکستان یا ده افغانستان تورک‌لری آتی‌دن بو اوچره‌شووده اشتراک اېتگن شاعر و ژورنالیست هاشم همدم، اوچره‌شوو اشتراکچیلری تۉغریسیده اۉزبېک تی‌وی گه ایتیشیچه: “تورک دنیاسی نینگ هر ییری‌دن شاعرلر و یازووچیلر کېلگن، اۉلرنی برچه‌سی اۉز بیراق‌لری و کییم‌لری بیلن بیرگه ملت‌لری و مملکت‌لرینی تمثیل اېتماقده‌لر.”
ایتیلیشیچه بو اوچره‌شوونینگ ایکینچی و اوچینچی کونی بۉلمیش، بوگون و اېرته انقره وقتی بیلن ساعت ۱۲ توش‌دن ۶ آقشم‌گچه شاعرلر و یازووچیلر، مخلص‌لری بیلن اوچره‌شیب، اولرگه اۉز اثرلرینی ترقه‌تَدی‌لر.
تورک دنیاسی نینگ شاعرلری و یازوچیلری یانیده، گونی تورکستان‌لیک یا ده افغانستان تورک‌لریدن بۉلمیش شاعر و ژورنالیست هاشم همدم هم، بو اوچره‌شوو ایکینچی کونی‌ده بیر نیچه اثرنی تانیشتیریب و ترقه‌تگن.
هاشم همدم بو اثرلر تۉغریسیده معلومات بېریب ایتیشیچه: «بو ییرده فرق‌لی تیللر و الفبالرده یازوولر و اثرلر بار اولرنی کۉرگزمه‌ده قۉیگن، مین هم افغانستان تورک‌لری آتی‌دن، بیر نیچه اثرنی بیرته‌سی اۉزیم‌دن، بیرته‌سی استاد لبیب حقیده یازیلگن مین توپله‌گن اثر، بیرته‌سی سرپل شاعرلریدن رحمتی بلبل صاحب نینگ دیوانی و ینه بیرته‌سی اۉزبېکستان‌لیک شاعرلریمیزدن، دلارام ایرگش نینگ «نوایی و بابر شعرلری‌گه پیوند» دیگن اثری اېدی که آلیب کېلگن اېدیم و ترقه‌تدیم.”
ایتیش کېره‌ک که بو اوچره‌شووده، تورک دنیاسی مستقل دولتلری شاعرلری و یازووچیلری یانیده، روسیه و عراق کبی دنیانینگ باشقه یورت‌لریدن هم تورک شاعرلری و یازووچیلری اشتراک قیلگن اېکن.
