اۉزبېکستان جمهور باشلیغی شوکت میرضیایف بویروغی اساسیده، بو مملکتده «کمبغل‌لیک‌نی قیسقرتیریش و جمعیت فراوانلیگینی آشیریش» حقیده بیر ریجه قۉلگه آلینگن.
اۉزبېکستان یېتکرمه‌لری نینگ خبر بیریشیچه، اوشبو ریجه اساسیده، میلادی ۲۰۲۴ – ییلی اۉزبېکستان جمعیتی جمله‌سیدن ۵۰۰ مینگ کیشی و کیله‌سی یعنی ۲۰۲۵ – ییلی بیر میلیون کیشی کمبغل‌لیکدن چیقاریلیشی کېره‌ک.
اۉزبېکستان جمهور باشلیغی بو مقصدنی، بو مملکت تېگیشلی دولت اداره‌لری‌گه بیرینچی وظیفه دېب تاپشیرگن.
کون-اوز یېتکرمه‌سی نینگ خبر بیریشیچه، اۉزبېکستان دولتی نینگ اوشبو ریجه‌سی، ۷ ته امکانیت اساسیده عملگه آشیریله‌دی.
اوشبو ییتی امکانیت، اهالی یوقاری درآمد تاپیش‌گه ایریشیش، تعلیم آلیش و کسب‌وهنر اۉرگه‌نیش، کفالت‌لنگن دولت طبی خذمتی‌دن فایده‌لنیش، اجتماعی خذمت‌لردن فایده‌لنیش، یشش شرایط‌لرینی یخشی‌لش، دولت تامانیدن محله‌لر آست-قورمه‌لرینی رواجلنتیریش و دولت اداره‌لری خادملری بیلن تۉغری‌دن تۉغری ملاقات قیلیش‌دن عبارت دیر.
