امریکا قوشمه ایالتلری نماینده‌لر کېنگشی نینگ تشقی علاقه‌لر کمیته‌سی باشلیغی مایکل‌مکال، بو مملکت نینگ حاضرگی و سابق مقاملری جمله‌سیدن ۱۵ کیشی‌نی افغانستان‌دن چیقیش خصوصیده متهم قیلگن.
بو خصوصده نشر اېتیلگن خبرلرگه کۉره، امریکا نینگ حاضرگی جمهور باشلیغی جوبایدن و اونینگ اۉرین باسری کاملا هریس، مکال تامانیدن متهم اېتیلگن شخص‌لر جمله‌سیدن دیر.
شونینگدېک امریکا نماینده‌لر کېنگشی نینگ تشقی علاقه‌لر کمیته‌سی تامانیدن، متهم اېتیلگن شخص‌لر ایچیده بو مملکت نینگ تشقی ایشلر و مدافعه وزیرلری، امریکا خوفسیزلیک مصلحتچیسی جیک سالیوان، بو مملکت نینگ افغانستان بوییچه سابق مخصوص وکیلی زلمی خلیلزاد و شونگه اوخشش باشقه بیر قنچه رسمی‌لر شامل دیر.
