افغانستان خصوصیده بۉلگن «روسیه فرمتی» نامی آستیده‌گی ییغین نینگ آلتینچی دوری اۉتگن کون جمعه، ۱۳ – میزان باشله‌ندی.
کۉپینچه طالبان بیلن یخشی علاقه‌ده بۉلگن، منطقه مملکتلری آره‌سیده یۉلگه قۉییلگن بو ییغین‌ده، طالبان حاکمیتی آستیده‌گی افغانستان‌دن بۉلگن، ترورچیلیک تهدیدلری منطقه اوچون خواطرلی دېب بیان قیلینگن.
روسیه تشقی ایشلر وزیری سرگی لاوروف، افغانستان‌ده ترورچی گروه‌لر بارلیگی و اولر افغانستان‌دن توریب، تشقی مملکتلرگه هجوم اویوشتیریشینی بیلدیرگن.
شونینگدېک روسیه تشقی ایشلر وزیری طالبان بیلن مملکتلر مناسبت‌لری تامین اېتیلیشی و غرب تحریم‌لری کوتاریلیشینی هم تکلیف قیلگن.
عینی حالده بو ییغین‌ده اشتراک قیلگن، طالبان تشقی ایشلر وزیرلیگی نینگ سرپرستی امیرخان متقی، داعش مرکزلری افغانستان‌دن تشقری‌ده دېب بو تۉغریده اۉز خواطرینی بیلدیرگن.
