ایران مملکتیده اخیرگی کونلر ایچیده، ترافیکی حادثه عاقبتیده قربان بۉلگن مهاجرلرنی کۉپینچه‌سی، فاریاب ولایت یشاوچیسی اېکن که اۉتگن آقشم جنازه‌لری بو ولایت‌گه ییتیب کېلگن.
ایتیلیشیچه ایش‌سیزلیک باعث جبری حالده، ایران تامان یۉل آلگن بو قربان‌لردن ۹ کیشی‌سی شیرین‌تگاب اولسواللیگی «آت‌قمری» قیشلاق نینگ یشاوچیلری اېکن.
اۉزبېک تی‌وی اختیاریده قوییلگن معلومات‌گه کۉره، بو واقعه‌ده قربان بۉلگن فاریاب‌لیکلر کیم‌لیگی، طلا اوغلی محمد داود، غلام محمد اوغلی خداینظر، عاشور اوغلی غلام محمد، خدایقل اوغلی توفیق‌الله، پیرمحمد اوغلی عبدالاحمد، عبدالرحمان اوغلی خان آغا، عبدالله اوغلی محمدظریف، خال محمد اوغلی عیدمحمد و محمد ظاهر اوغلی احمددن عبارت دیر.
دیمک بوندن بیر نیچه کون ایلگری، ایران یېتکرمه‌لری مهاجرلرنی تاشووچی بیر موتر حادثه قیلگنی عاقبتیده، کمیده ۱۱ مهاجر جان بېرگنیدن خبر بېرگن اېدی.
ایتیش کېره‌ک که افغانستان اینقسه، تورکستان و قطغن ولایتلریده ایش‌سیزلیک باعث اهالی کۉپینچه ایران مملکتی‌گه باره‌دیلر.
