بوگون اکتبر آیی نینگ ۷ – سی و میزان آیی نینگ ۱۶ – سی، حماس گروهی نینگ اسراییل‌گه قرشی عملگه آشیرگن، هجومی بیر ییللیگی دیر.
دیمک بوندن بیر ییل ایلگری، فلسطین‌لیک حماس گروهی اسراییل‌گه هجوم قیلگن اېدی و بو هجوم عاقبتیده قنچه کیشی اۉلیب و ۲۵۰ دن آرتیق کیشی هم حماس گروهی آرقه‌لی اسیر آلیندی.
بو هجوم یقین شرق منطقهسیدهگی کتته و اۉلیملی بیر اوروش، باشله‌نیشیگه باعث بۉلدی.
حاضر بیر ییل‌دن بیری اوشبو اوروش عاقبتیده یقین ۴۱ مینگ و بیش یوز کیشی جان بېرگن و اۉن مینگلرچه کیشی هم یره‌لنگن. اوروش اېسه همان دوام اېتماقده دیر.
غزه‌ده اسراییل و حماس گروهی آره‌سیده‌گی اوروش، دوام اېتکن بیر حالده بو اوروش کېنگه‌یب حاضر، اسراییل لبنان‌ده هم اوروش باشله‌گن و شونینگدېک غزه اوروشی‌گه باغلیق یمن‌ده، بیراز قرمه قرشی‌لیکلر باشله‌نگن.
بیرلشکن ملتلر تشکیلاتی نینگ باش کاتبی آنتونیو گوتریش، ۷ – اکتبر مناسبتی بیلن ترقه‌تگن بیاناتیده بو اوروش، تیزلیک بیلن تۉخته‌تیلیشی کېره‌ک دېگن.
بیرلشکن ملتلر تشکیلاتی نینگ باش کاتبی شوندی بیرحالده بو مساله‌نی طلب قیلماقده دیر که اخیرگی بیر ییل ایچیده، غزه اوروشی یکونلنیشی اوچون بۉلگن سعی‌وحرکتلر حاضرگه قدر نتیجه بېرمه‌گن.
