طالبان نینگ تخار ولایتیده‌گی محلی رسمی‌لری، بوگون یکشنبه،۲۲ – میزان بو ولایتده فعال ژورنالیست‌لر و یېتکرمه‌لر رسمی‌لری بیلن بیر ییغین اۉتکزیب، بوندن کیین تخارده هیچ بیر جان‌ذات جمله‌دن انسان‌لردن صورت و ویدیو آلینمسلیگیگه بویروغ بېرگن.
تخار ولایتیده‌گی محلی منبع‌لر، اۉزبېک تی‌وی گه بو چیکلاونی تصدیق‌لب، مذکور قرار ژورنالیست‌لرنی خواطرلی احوالده قۉیگنینی بیلدیره‌دی.
تخار ولایتیده طالبان محلی رسمی‌لری، مذکور قرار طالبان نینگ امر بالمعروف و نهی عن المنکر قانونی اساسیده آلینگنینی معلوم قیلماقده دیر.
دیمک تخار ولایتیده طالبان محلی رسمی‌لری، ژورنالیست‌لرگه بوندن کیین کۉرسه‌توو و راپور تیارلش‌گه رخصت یۉق دېب اعلام قیلگن.
تخارده طالبان، بو تۉغریده بیر کمیته هم ایجاد قیلگن.
