کابل‌ده یشاوچی بیر قنچه اۉزبېک فعاللری، ۲۹ – میزان بیره‌مینی اۉتکزیش مقصد، مصلحتی ییغین‌لرنی اۉتکزگنلریدن خبر بېرگن.
بو فرهنگی فعاللرنینگ ایتیشلریچه، کابل‌ده ۲۹ – میزان، اۉزبېک تیلی ملی کونی، شانلی و طنطنه‌لی بیر احتفال آرقه‌لی نشانلنهدی.
اۉزبېک تی‌وی اختیاریگه قرار تاپکن معلومات‌لرگه کوره، بو خصوصده کابل‌ده اۉتکزیلگن مصلحتی ییغین‌لرده، احتفال قنده‌ی اۉتکزیلیشی و بونگه تېگیشلی بیر قنچه، مساله‌لر محاکمه اېتیلگن.
ایتیلیشیچه ۲۹ – میزان مناسبتی بیلن کابل‌ده اۉتکزیلگن ییغین‌ده، ینگیدن چاپ بۉلگن نیچه عنوان کتاب‌نینگ آچیلیشی، نقاشلیک، آزیق آوقت، قول صنعتی، قالین و کتاب کۉرگزمه‌سی هم یۉلگه قۉییلیشی مول‌جلننگن.
ایتیش کېره‌ک که ۲۹ – میزان هر ییلی افغانستان پایتختی کابل قوشیمچه تورکستان و قطغن ولایتلری اوزبیک تیلی‌نینگ ملی کونی و اۉزبېکستان‌ده ایسه دولت ملی تیلی کونی اوله‌راق نشانلنهدی.
