دنمارک مملکتی نینگ باستان‌شناس‌لری بو مملکت قیشلاقلریدن بیری‌ده، قدیم زمان‌لرگه تېگیشلی ۵۰ گه یقین اسکلیت تاپیلگنیدن خبر بېردی.
آسوشیتدپرس یېتکرمه‌سی تامانیدن نشر اېتیلگن گزارش‌نی بیلدیریشیچه، بو اسکلیت‌لر «وایکینگ‌لر» دوری‌گه تېگیشلی اېکن.
دنمارک باستان‌شناس‌لری بو اسکلیت‌لر حاضرگه قدر قالگنینی حیرت‌لنتیرووچی بیر مساله دېب بیلدیرگن.
بو باستان‌شناس‌لردن بیری میخایل بورا لوندیا نینگ آسوشیتدپرس‌گه ایتیشیچه “بو هیجان‌لی تاپیلمه، چونکه بیز یخشی سقلنگن اسکلیت‌لرنی تاپدیک، عادت‌ده قدیمی قبرلردن، بیر نیچه‌ته تیش‌نی تاپسک هم خرسند بۉله‌میز، بو حالت‌ده اېسه بوتون باش‌لی اسکلیت.”
ایتیلیشیچه بو اسکلیت‌لر توپراق نینگ اۉزی‌گه خاص ترکیبی سبب حاضرگه قدر سقلنیب قالگن اېکن.
