طالبان دولت اداره‌لری مطبوعات بولیملریده‌گی اۉزبېک تیلی‌ده بۉلگن نشرات‌لرنی تۉخته‌تیشلری دوامیده، یقین‌ده «برشنا برق ییتکزیش» کمپنیه‌سیده هم بو بولیم‌نی باغلب قویگن.
طالبان اعضاسی قاری صلاح‌الدین ایوبی بو حاکمیت اۉزبېک تیلی‌گه قرشی اېمس دېب ادعا قیلگن بیرحالده، اۉزبېک تی‌وی تیکشیروی ایریم دولت اداره‌لریده اۉزبېکچه نشراتی تۉخته‌تیلگنینی تاپکن.
اۉزبېک تی‌وی تیکشیرووی‌گه اساس، برشنا شرکتی مطبوعات بولیمیده فعال بۉلگن اۉزبېکچه نشراتی، یقین بیر آی‌دن بیری تۉخته‌تیلگن.
بو شرکت نینگ اۉزبېک تیلی‌ده بۉلگن اینگ اخیرگی مطلبی، بوندن ۲۷ کون ایلگری، سپتمبر آیی‌نینگ ۲۳ – سی‌ده اېکن که نشر بۉلگن و اوندن کیین برشنا نینگ مطبوعات بولیمیده اۉزبېکچه نشراتی تۉخته‌تیلگن.
معلومات‌لرگه کۉره، برشنا شرکتی نینگ رسمی‌لری، بو شرکت‌نی مطبوعات بولیمیده بوندن کیین اۉزبېکچه‌ده نشرات بېرمس‌لیکلرینی بویروغ بېرگن.
ایتیش کېره‌ک که بوندن ایلگری، طالبان اقتصاد، ایش و اجتماعی ایشلر، ترانسپورت و باشقه شونگه اوخشش دولت اداره‌لریده اۉزبېکچه نشرات‌لرنی تۉخته‌تگن اېدی.
شونینگدېک سابق حکومت دوریده فعال بۉلگن ایریم ولایتلر مقاملریده‌گی اۉزبېکچه بولیم هم، طالبان تامانیدن تۉخته‌تیلگن.
