عزیز و قدر تیلداشلرگه فخر بیلن اعلام قیله‌میز که بیز ۲۹ – میزان اۉزبېک تیلی ملی کونینی یخشی‌لب کوتیب آلیش و اونگه قدر بېریش مقصد، بیر هفته نشرات‌میزنی بو تۉغریده مخصوص‌لنتیرگن اېدیک.
حاضر اېسه اوشبو بیر هفته مخصوص یایین اۉز نهایه‌سیگه ییتیب کېلدی و سیز برچه تیلداشلر و کوزه‌تووچیلردن بیزنی اجتماعی صحیفه‌لرده، آلقیشلب کوزه‌تیب بارگنلرینگیز اوچون منتدارچیلیک بیلدیره‌میز.
مذکور بیر هفته جریانیده، کۉپلب ویدیولر و قوتلاو پیاملری آرقه‌لی بیز بیلن بۉلگن برچه عزیزلردن و تویغولی خلق‌میز بویوکلری و قلم‌کشلریدن علاحده صمیمی تشکرلیک بېلدیره‌میز.
البته نشرات‌میزگه قیسی‌بیر قیینچیلیکلر بۉلسه و نشر اېتیش‌گه کیم‌نی ویدیو و پیامی، پیاملر رقمی کۉپلیگی باعث تیزلیک بیلن نشر اېتیلمه‌ی قالگن بۉلسه سیزلردن عذر سۉره‌ب، سیزلر بو کمچیلیکلرنی نظرگه توتمه‌ی بیز بیلن بۉلیب قالیشلرینگیزنی طلب قیله‌میز.
ایندی اۉزبېک تی‌وی نینگ نشراتی عادی حالده قیتگن و بوندن بویان اۉز تاتلی آنه تیلی‌میزگه، نشرات بېریب و اخبارات ترقه‌تیشیمیزنی دوام بېره‌میز.
بیز اوچون تیل‌میزنینگ اسره‌ب-اوه‌یلیش و رواجی مقصد بۉلگن بورچه‌میز خاص بیر زمان‌گه قره‌تیلمه‌ی، کیچه‌وکوندوز تیلی‌میز رواجی و خلق‌میزنی فخرلی مدنیتی و اۉزبېکانه مقدس مدنیت‌نی ترقه‌تیش اوچون اولگوریش‌گه تیارمیز.
بیز هر بیر اۉزبېک‌نینگ سیسی بۉلیش‌نی اۉزیمیزگه مقصد و یۉل‌خریطه‌سی تعیین قیلگن‌میز و بو یۉلده سیزلرنی حمایه‌لرینگیز بیلن کوچلی دوام بېره‌میز.
