روسیه و اورته آسیا مملکتلریدن شکل‌لنگن جمعی خوفسیزلیک تشکیلاتی نینگ نوبتده‌گی ییغینی کیله‌سی دوشنبه کونی، قزاقستان مملکتی نینگ آستانه شهریده اۉتکزیله‌دی.
اوشبو ییغین عرفه‌سیده، بو تشکیلات نینگ باش کاتبی ایمانقلی تاسماگامبتوف، بو ییغین‌ده تاجکستان نینگ افغانستان بیلن باغلیق چیگره‌سی کوچلنیشی خصوصیده قرار آلینیشیدن خبر بېرگن.
روسیه‌لیک ریانووستی یېتکرمه‌سی نینگ گزارشی‌گه کۉره، جمعی خوفسیزلیک تشکیلاتی‌گه اعضا مملکتلر بو خصوصده کیلیشکنلر.
ایتیش کېره‌ک که تاجکستان مملکتی افغانستان‌دن بۉلگن خوفسیزلیک خواطرلری باعث، بو مملکت بیلن چیگره‌سی کوچلنیشی اوچون جمعی خوفسیزلیک تشکیلاتی‌دن یاردم سۉره‌گن اېدی.
