اخیرگی کونلر ایچیده افغانستانده جمهوریت تیزیمی دوریده فعال بۉلگن بیر قنچه سیاسی سیمالر، استانبول شهریده ایکی کونلیک ییغین اۉتکزیب، افغانستان خصوصیده فکر المشتیرگن.
بو ییغینده افغانستان حاضرگی وضعیتی و اوندن چیقیش اوچون بۉلگن یبچیم یۉللری محاکمه قیلینگن.
حاضرگه قدر بو ییغین کیم و قیسی تشکیلات تامانیدن ریجهلشتیریلگن بیللی اېمس و بو ییغین خصوصیدە هم هیچ قندی معلومات یېتکرمەلر اختیاریده قوییلمهگن.
شونینگدېک بو ییغین، هیچ بیر قرار آلینمهی و اوندن بیران قطعنامه نشر اېتیلمەی یکونلنگن.
یالغیز بو ییغین اشتراکچیلریدن، طالبانگه یقین هزارهلردن بۉلگن سیاسی سیما جعفر مهدوی اۉزی نینگ ایکس صحیفهسیده بو تۉغریده بیراز معلومات یازگن.
مهدویگه کۉره، تورلی خیل فکرلرگه ایگه بو ییغین اشتراکچیلری، افغانستان قیینچیلیکلری اوچون سیاسی ییچیم یۉل تاپیلیشی اوستیدە تاکید قیلگنلر.
طالبان هم حاضرگه قدر بو ییغین تۉغریسیده مناسبت بیلدیرگن اېمس.
