امریکاده ینه بیربار جمهور باشلیغ اوله‌راق تَن‌لنگن دونالد ترامپ، آق‌سرای‌گه بارمس‌دن کیله‌سی کابینه‌سینی تانیشتیریشی خبر قیلینماقده.
خلق‌ارا یېتکرمه‌لرنی گزارش بیریشیچه، امریکا قوشمه ایالتلری نینگ جمهور باشلیغی دونالد ترامپ، اخیرگی بیر نیچه کون ایچیده اۉزی نینگ کابینه‌سی اعضالریدن بیر قنچه‌سینی تانیشتیرگن.
ترامپ تامانیدن تانیشتیریلگن سیمالر ایچیده طالبان‌گه جدی قرشی بۉلگن امریکالیک سیاسی سیمالر هم کۉزگه کۉرینه‌دی.
حاضرگه قدر ترامپ آرقه‌لی امریکا قوشمه ایالتلری مهم دولتی لوازملریده کیم‌لر تانیشتیریلگن؟
تشقی سیاست لوازمی
تشقی ایشلر وزیری: یېتکرمه‌لر تامانیدن نشر اېتیلگن گزارش‌لرنی بیلدیریشیچه، دونالد ترامپ جمهوری‌خواه سناتورلردن بۉلمیش، مارکو روبیو نینگ امریکا قوشمه ایالتلری کیله‌سی تشقی ایشلر وزیری اوله‌راق تعیین‌لگن.
مارکو روبیو سناتورلیک دوریده طالبان‌گه قرشی سیاست‌نی ایزله‌گنی بیلن تانیلگن و بوندن ایلگری روبیو باشقه بیرقنچه سناتورلر بیلن طالبان اوستیده باسیم کېلتیریلیشی‌گه قره‌تیلگن بیر لایحه‌نی تیارلب، بو بیلن طالبان‌گه قرشی توریش‌نی تکلیف قیلگن اېدی. شونینگدېک روبیو طالبان کبی ترورچی گروه‌لرگه قرشی اېکن‌لیگی بیان اېتیلماقده دیر.
دونالد ترامپ شوندی بیرحالده مارکو روبیونی تشقی ایشلر وزیری تانیشتیرماقده دیر که ترامپ بیرینچی دوری‌ده‌گی تشقی ایشلر وزیری مایک پومپیو بو دور کابینه‌ده حضوری یۉق‌لیگی اعلام اېتیلگن دونالد ترامپ تامانیدن.
امریکا نینگ بیرلشکن ملتلر تشکیلاتیده‌گی مخصوص وکیلی: دونالد ترامپ بوندن ایکی کون ایلگری بیر بیانات نشر قیلیب، کېله‌سی کابینه‌سیده اونینگ بیرینچی جمهور باشلیغ‌لیک دوریده، بیرلشکن ملتلر تشکیلاتیده‌گی امریکا نینگ مخصوص وکیلی نیکی هیلی، ترامپ کیله‌سی کابینه‌سیده حضوری یۉق‌لیگینی بیلدیرگن اېدی.
عینی حالده دونالد ترامپ امریکا قوشمه ایالتلری تشقی سیاستیده‌گی مهم لوازملردن بیری بۉلگن، بو لوازم‌ده الیسی استفانیک ناملی بیر جمهوری‌خواه سناتور و عیال سیاسی سیمانی تانیشتیردی.
خوفسیزلیک بولیم لوازمی:
امریکا قوشمه ایالتلری نینگ ترامپ باشقیرووی‌ده بۉلگن ینه بیر دور حکومت‌دارلیگیده، بو مملکت خوفسیزلیک بولیمی‌نینگ مهم بیر لوازمی بۉلمیش خوفسیزلیک کېنگشی مصلحتچیسی لوازمی‌ده هم، طالبان‌گه قرشی سیمالردن بیری تعیین‌لنگنی معلوم قیلینماقده دیر.
خلق‌ارا یېتکرمه‌لرنی گزارش بیریشیچه، ترامپ بو لوازم‌ده مایک والتز ناملی امریکالیک سیاسی و حربی بیر سیمانی تَن‌لگن.
ترامپ تامانیدن امریکا ینگی ملی خوفسیزلیک کېنگشی مصلحتچیسی اوله‌راق تعیین‌لنگن والتز، افغانستان‌ده عسکر اوله‌راق طالبان‌گه قرشی اوروشگنی بیلدیریلماقده دیر.
ایچکی سیاست لوازمی:
دونالد ترامپ آرقه‌لی امریکا قوشمه ایالتلری دولت لوازملریده نظرگه توتیلگن باشقه مهم سیمالر، بو مملکت چیگره‌لر مسوولی و جمهور باشلیغ‌لیک اداره‌سی باشلیغی دیر.
ترامپ امریکا نینگ بو مملکت چیگره‌لر مسوولی اوله‌راق تام هومان ناملی بیر شخص تعیین‌لگن و مهاجرلرنی امریکادن چیقاریش بورچ‌نی هم هومان‌گه تاپشیرگن.
شونینگدېک ترامپ بو مرته جمهورلیک ریاستیده، سوزی وایلز ناملی بیر عیال‌نی اۉزی نینگ اداره‌سی باشلیغی اوله‌راق تَن‌لگن.
