تخار ولایتی نینگ رستاق تومنی‌ده جایله‌شگن «تیپه آق‌جر» قیشلاغی‌گه کېریب باریشینگیز بیلن بو اهالی قنچه‌لیک محرومیت‌لر بیلن بیرگه بۉلگن تیریک‌چیلیک‌نی باش‌دن کېچیریب تورگنی بیللی بۉله‌دی.
اۉزبېک تی‌وی اۉزی نینگ نوبتده‌گی لوحه‌سیده بو قیشلاققه باریب، قیشلاق اهالیسی نینگ محرومیت‌لرینی صورت‌گه چیقارگن.
قیشلاققه کېریب باریشینگیز بیلن آچیق هواده چادر تگیده سبق اۉقیب تورگن بالهلر بیلن دوچ کېلیشینگیز ممکن. بو اېسه قیشلاق نینگ محرومیت‌لرینی بیر بولیمی دیر.
دېیرلی شونچه ییللردن بیری حاضرگه قدر بو منطقه‌ده بیر مکتب بناسی قوریلمه‌گنی، حکومت‌لرنی بو اهالی‌گه قرشی بۉلگن توجه‌سیزلیکلرینی سیزگه ایتیب بېره‌دی.
قیشلاق اهالی‌لریدن بیری عصمت الله بیز بیلن اۉتکزگن صحبت‌لریده قیشلاقده‌گی قیینچیلیکلر تۉغریسیده بوندی دیدی: “بو ییر اهالیسی کۉپ غریب کیشی‌لر دیر، بیرینچی بو اهالی ایچیم‌لیک سوو، شوندی یۉللری بوزوق دیر و مکتب‌لری اېسه اوچ و تۉرت قیشلاق اهالیسی اوچون بۉلگن بو مکتب ۱۵ ییل‌دن بویان توزاتیلگن اېمس.”
بو قیشلاق اهالیسی اولر باله‌لری اۉقیشی اوچون مکتب‌لریده بنا قوریلیشی و ساغلیق مرکزلری آچیلیشی، وضعیت‌لریگه توجه قره‌تیلیشینی سۉره‌دیلر.
آق‌جر قیشلاق یشاوچیلریدن ینه بیری غلام رسول آته‌خان نینگ ایتیشیچه: “سیزنی اۉزینگیز کۉردینگیز بو ییر اهالیسی بیر ایکی ایکینچیلیک قیله‌دیلر و کۉپ قیینچیلیکلر بیلن تیریکلیک قیله‌دیلر، کۉپ وقتلر ایچیم‌لیک سوولری یۉق دیر، بو خلق نینگ مکتبی هم قوریلمه‌دی.»
بو قیشلاق اهالیسی نینگ ایتیشیچه، ناچارلیک حالده آغیر شرایط‌لرنی باش‌دن کیچیریب تورگنلر و یاغینگرچیلیک بۉلگن تقدیرده اولر تاشقین کبی طبیعی حادثه‌لر بیلن دوچ کېلیب بوندن‌ده آغیر شرایط‌ده توشیب قالیشلری ممکن.
