کابلده طالبان ییریک مقاملری و بیرلشکن ملتلر تشکیلاتی باش کاتبی نینگ افغانستاندهگی مخصوص وکیلی رزا اوتنبایوا حضوری بۉلگن بیرحالده، «کیچیک قرضهلر ملی کنفرانسی» اۉتکزیلگن.
طالبان باشقیرووی آستیده بۉلگن افغانستان مرکزی بانکی تشبثی بیلن بوگون چهارشنبه، ۲۳ – عقرب، اۉتکزیلگن بو ییغینده، طالبان رسمیلری و بیرلشکن ملتلر تشکیلاتی وکیلی، افغانستانده کیچیک کسبلر قولب-قوتلنیشی مقصد بو کسب ایگهلری کیچیک قرضهلرگه قۉل تاپیش زمینهسی یرهتیلیشینی تاکید قیلگنلر.
طالبان مقاملری بو ییغینده، کیچیک قرضهلرنی افغانستان اقتصادی رواجلنیشی اوچون اونملی بیان قیلیب، بو خصوصده خلقارا همجمعیتی نینگ یاردمینی سۉرهگن.
عینی حالده، بیرلشکن ملتلر تشکیلاتی نینگ افغانستاندهگی وکیلی رزا اوتنبایوا، بو تشکیلات افغانستان اهالیسی ایشلرینی یوریتیش اوچون کیچیک قرضهلرگه قۉل تاپیشیگه همکارلیک قیلیشگه تیار دېب اعلام قیلگن.
