اۉزبېکستان جمهور باشلیغی نینگ افغانستان بوییچه مخصوص وکیلی عصمت الله ایرگشاف، امریکا قوشمه ایالتلری تینچلیک انستیتوتی وکیللری بیلن اوچرهشدی.
اوچرهشووده، ایکی تامان افغانستانده تینچلیک تامینلنیشی و برقرارلیک اورتهگه کېلیشی اهمیتنی اورغولهگنلر.
اۉزبېکستان تشقی ایشلر وزیرلیگی نینگ بیلدیریشیچه، بو اوچرهشووده امریکا تینچلیک انستیتوتی وکیللری، اۉزبېکستاننینگ افغانستانده اوزاق مدتلی و برقرار تینچلیک تامینلنیشی خصوصیدهگی مهم رولینی تاکیدلگن.
اۉزبېکستان تشقی ایشلر وزیرلیگی تامانیدن نشر اېتیلگن بیاناتنی بیر بۉلیمیده کېلیشیچه: ” امریکا تینچلیک انستیتوتی وکیللری تینچلیک اۉرنهتیش استراتیژیسینی ایشلب چیقاریش مقصدیده، منطقهنینگ تورلی دولتلری بیلن مصلحتلشوولرنی قۉلب-قوتلش مقصدیده، اۉزبېکستان تامانی بیلن همکارلیکنی دوام اېتیریشدن منفعتدارلیگینی بیلدیردیلر.”
ایتیش کېرهک که بوندن ایلگری بیر نیچه مراتبه، اۉزبېکستان مملکتی افغانستانده تینچلیک و برقرارلیک تامینلنیشی اهمیتنی تاکید قیلگن.
