بوگون نوامبر آیی نینگ ۲۱ – سی خلق‌ارا تلویزیون کونی بیلن ماس دیر.
اوشبو کون افغانستان‌ده شوندی بیرحالده ییتیب کېلماقده دیر که بو مملکتده یېتکرمه‌لر اینقسه تلویزیون‌لر فعالیتی طالبان تامانیدن یره‌تیلگن جدی چیکلاولر بیلن قرشی دیر.
افغانستان ژورنالیست‌لرینی حمایه‌لش تشکیلاتی هم بیر بیانات نشر قیلیب، افغانستان‌ده تلویزیون‌لر فعالیتی آغیر احوالده دېب خواطر بیلدیرگن.
بو تشکیلات تامانیدن نشر اېتیلگن بیانات‌ده، دنیا هم‌جمعیتی‌دن افغانستان‌ده تلویزیون فعالیتی خصوصیده توجه قره‌تیلیشی طلب قیلینگن.
طالبان تامانیدن یقین‌ده امر بالمعروف و نهی عن المنکر قانونی تصدیق‌لنیشی، تلویزیون فعالیت‌لرینی خواطر بیلن یوز مه یوز قیلگن.
مذکور قانون اساسیده، جان‌دار ذات‌لردن ویدیو یا ده صورت آلیش ناجایز دیر و شو سبب طالبان تامانیدن تقیق‌لنیشی ممکن‌لیگی تیلگه آلینماقده دیر.
طالبان ایریم ولایتلرده بو چیکلاولرنی عملگه توشیرگن و تخار شامل افغانستان بیر نیچه ولایتیده ژورنالیست‌لر ویدیو و صورت آلیش‌دن تقیق‌لنگن.
شونینگدېک طالبان بوندن ایلگری، یېتکرمه‌لر اینقسه تلویزیون کانالی‌لریده جانلی سیاسی دستور آلینمسلیگینی بویروغ بېرگن و حاضر افغانستان‌ده فعال تلویزیون کاناللری جانلی دستور اجرا اېتیش‌گه رخصت‌لری یۉق دیر.
